WordPress တရားဝင် မြန်မာဘာသာ စာမျက်နှာမှ ကြိုဆိုပါတယ်။ !
ရာနှုန်းပြည့် ဘာသာပြန်ထားသည့် WordPress မြန်မာ ဘာသာပြန်မူကို ဗားရှင်း ၃.၁ ဖြင့် စတင် ဖြန့်ချိလိုက်ပြီးသည့်နောက် ဆက်လက်၍ အဆင့်မြှင့်တင်မှု ဗားရှင်းများကို အချိန်နှင့်တစ်ပြေးညီ ဖြန့်ချိပေးနေပါသည်။ ဘာသာပြန်ခြင်းထက် မြန်မာမှုပြုသည့် အဓိပ္ပါယ်မျိုး သက်ရောက်စေရန် အတတ်နိုင်ဆုံးကြိုးစားထားပါသည်။ ဘာသာပြန်ရာတွင် အမှားအယွင်း အချို့ရှိနေနိုင်သေးသော်လည်း နောက်ပိုင်း ဆက်လက်ထွက်ရှိလာမည့် ဗားရှင်းများတွင် တဖြည်းဖြည်းခြင်း ပြုပြင်သွားနိုင်ရန် ကြိုးစားပါမည်။ လက်ရှိဘာသာပြန်မူတွင် ပါဝင်သော WordPress ပင်မ အထုတ်(ပက်ကေ့) ဘာသာပြန်ဆိုမှုများ၏ ၂၀ ရာနှုန်းခန့်ကို GlotPress ဘာသာပြန်မူမှ ရယူထားခြင်းဖြစ်ပါသည်။ ကျန်ရှိသော ဘာသာပြန်ဖိုင်များမှာ လက်ရှိ WordPress မြန်မာဘာသာပြန်ဆိုသူမှ ကိုယ်တိုင်ဘာသာပြန်ဆိုထားခြင်းဖြစ်ပါသည်။ WordPress မြန်မာဘာသာပြန်မူတွင် အသုံးပြုသူများ၏ အဆင်ပြေမှုကိုသာ အဓိကထားသဖြင့် လက်ရှိတွင် မြန်မာ ယူနီကုတ် မျိုးစုံမှ အသုံးပြုရန် အဆင်အပြေဆုံးဖြစ်သော ဧရာ ယူနီကုတ်ကို အသုံးပြုထားပါသည်။ နောက်ထွက်ရှိလာမည့် ဗားရှင်းတစ်ခုခုတွင် လက်ရှိ ဧရာယူနီကုတ်ထက် ပိုမိုကောင်းမွန် အဆင်ပြေသည့် ယူနီကုတ်ထွက်ပေါ်လာပါက ထို ယူနီကုတ်ကို ပြောင်းလဲ အသုံးပြုသွားမည်ဖြစ်ပါသည်။