ဧရာ ဘာကြောင့်သုံးလဲ Why Ayar ?

ဧရာ ဘာကြောင့်သုံးလဲ သိချင်ကြရင် http://atp.ayar.co/2011/03/25/why-used-ayar-in-wordpress/ မှာ ရေးထားပါတယ်။ အဲဒီမှာဖတ်ကြည့်ကြပါ။ အဲဒီမှာ ပြောထားတာတွေကို ဧရာအပါအဝင် ယူနီကုတ်သမားတွေအကုန်လုံး ဝိုင်းပြီးဖြေရှင်းနိုင်ပြီဆိုရင် ယူနီကုတ်ကို ကျွန်တော်ပြောင်းသုံးမှာဖြစ်ပါတယ်။ ကျွန်တော့်ဆီကို ပုံစံအမျိုးမျိုး၊ နည်းလမ်းအမျိုးမျိုးသုံးပြီး အီးမေးလ်တွေ မပို့ကြပါနဲ့လို့ ပြောလိုပါတယ်။ ဒီလိုအီးမေးလ်တွေ အစောင်တစ်သိန်းလောက်ပဲပို့ပို့ မြန်မာတစ်နိုင်ငံလုံးက လူဦးရေ သန်း ၆၀ ကပဲပို့ပို့ ပြောင်းမှာမဟုတ်ပါဘူး။ နှောက်ယှက်တယ်လို့ပဲ သတ်မှတ်ပါမယ်။ ကျွန်တော်က ကျွန်တော်လုပ်နိုင်တာကို လုပ်ထားတာဖြစ်လို့။ ယူနီကုတ်သမားတွေလည်း လုပ်နိုင်တာ လုပ်ကြဖို့ နဲ့ လုပ်သင့်တာကို လုပ်ကြဖို့ ဒီနေရာကနေတိုက်တွန်းပါတယ်။

ဧရာ စာလုံးပြောင်း ကွန်ဗက်တာ

ဧရာ စာလုံးပြောင်း ကွန်ဗက်တာကို သုံး၍ လက်ရှိ လွှင့်တင်ထားပြီးဖြစ်သော WordPress အသုံးပြု ဝဘ်ဆိုဒ်များ၊ ဘလော့ဂ်များကို ယခုဖြန့်ချိထားသော့ WordPress မြန်မာဘာသာပြန်မူဖြင့် ပြောင်းလဲအသုံးပြုနိုင်ရန် ဒေတာဗေ့အားလုံးကို ပြောင်းလဲ၍ ရပါသည်။ ထိုသို့ပြောင်းလဲလိုပါလျှင် ပထမဆုံးအနေနှင့် သင့်ဘလော့ဂ် သို့မဟုတ် ဆိုဒ်ရှိ ဒေတာဗေ့အားလုံးကို သင့်ကွန်ပြူတာသို တင်ပို့ပေးရန်လိုပါသည်။

ထိုသို့ပြုလုပ်နိုင်ရန် နည်းလမ်းများကို ရှင်းပြပေးသွားပါမည်။

အဆင့် ၁ ။ ။ သင့် WordPress ဆိုဒ်၏ စီမံအုပ်ချုပ်မှုဆိုင်ရာ ထိန်းချုပ်ခလုပ်ခုံကိုဖွင့်ပါ။ အင်္ဂလိပ် ဗားရှင်းကို လက်ရှိအသုံးပြုထားလျှင် – tools -> export (မြန်မာဘာသာဖြင့် – ကိရိယာများ -> တင်ပို့ရန်) ကို သွားပါ သင့်တွင် WordPress export/import လုပ်သည့် ပလပ်အင် ထည့်သွင်းမထားရသေးပါက ပလပ်အင်ထည့်သွင်းရန် လုပ်ဆောင်ရမည့် အဆင့်များ ပေါ်လာပါမည်။ ထိုအဆင့်များကို ပြီးဆုံးအောင်လုပ်ပါ။ ပြီးလျှင် tools -> export တွင် သင့် ဒေတာဗေ့ကိုတင်ပို့နိုင်ပါပြီ။

အဆင့် ၂ ။ ။ တင်ပို့ထားသော ဒေတာဗေ့များကို http://add.ayar.co မှ ကွန်ပြူတာတွင် ထည့်သွင်း အသုံးပြုရသည့် ဧရာ စာလုံးပြောင်း ကွန်ဗက်တာ သို့မဟုတ် ဧရာ အွန်လိုင်း ကွန်ဗက်တာ ကို သုံး၍ လည်းကောင်း ဧရာယူနီကုတ်သို့ပြောင်းပါ။

အဆင့် ၃ ။ ။ ပြောင်းပြီးလျှင် tools -> import (မြန်မာဘာသာဖြင့် – ကိရိယာများ -> တင်သွင်းရန်) ကိုသွား၍ ဒေတာဗေ့ဖိုင်ကို ပြန်လည်တင်သွင်းနိုင်ပါသည်။

မှတ်ချက် ။ ။ အကယ်၍ ဒေတာဗေ့ကို ပြောင်းလဲရာတွင်လည်းကောင်း ပြန်လည်တင်ပို့မှု ပြုလုပ်ရာတွင်လည်းကောင်း အဆင်မပြေမှုများ အခက်အခဲများရှိပါက မြန်မာ့ပရက်စ်တွင် အကူအညီတောင်းခံနိုင်ပါသည်။
လိုအပ်ပါက မြန်မာ့ပရက်စ်မှ ကူညီ၍ ပြောင်းပေးမည်ဖြစ်ပါသည်။

ဧရာ ဝဘ် ကစ် အကြောင်း

ဧရာ ဝဘ် ကစ်သည် ယခု ဖြန့်ချိထားသော WordPress မြန်မာဘာသာပြန်မူ ဖြင့် တွဲဖက် သုံးရန် အကောင်းဆုံး ပလပ်အင်တစ်ခုဖြစ်သည်။ ဧရာ ဝဘ်ကစ်တွင် ဖောင့်မြှုပ်ထည့်သွင်းခြင်းကို အပြည့်အဝထောက်ပံ့ ထည့်သွင်းပေးထားသည်။ စီမံအုပ်ချုပ်မှုဆိုင်ရာ ထိန်းချုပ်ခလုပ်ခုံရှိ စာလုံးများကို ဧရာဖောင့်ဖြင့် ကောင်းမွန်လှပစွာ ဖော်ပြပေးနိုင်ရန် ပြုလုပ်ပေးထားသည်။ ထိန်းချုပ်ခလုပ်ခုံ၏ အရောင်တွဲစပ်မှုကိုလည်း မူလ WordPress တွင်ပါရှိသော မီးခိုးရောင်နှင့် အပြာရောင်အပြင် အစိမ်းရောင်သို့ပါ ပြောင်းလဲ အသုံးပြုနိုင်ရန် ပြုလုပ်ပေးထားသည်။ ထိန်းချုပ်ခလုပ်ခုံတွင် ဖော်ပြထားသည့် WordPress တံဆိပ်နေရာတွင် စိတ်ကြိုက် တံဆိပ်တစ်ခုပြောင်းလဲထည့်သွင်းပေးနိုင်သည်။ လွှင့်တင်ထားသော ဆိုဒ် ရှေ့စာမျက်နှာများတွင် မှတ်ချက်ပေးသည့်နေရာတွင် TinyMCE Editor ကို အသုံးပြုနိုင်ရန် ပြုလုပ်ပေးထားသည်။ ထို အယ်ဒီတာတွင် မိမိကွန်ပြူတာ၌ စာရိုက်စနစ်များ၊ ဖောင့်စာလုံးများထည့်သွင်းထားရန်မလိုပဲ ဧရာစာလုံးကို အသုံးပြု၍ တိုက်ရိုက် ရိုက်သွင်းရေးသားနိုင်သည့် စာရိုက်စနစ်ပါထည့်သွင်းပေးထားသည်။ WordPress ကို အသုံးပြုထားသည့် ဆိုဒ်တစ်ခုလုံးရှိ စာရိုက်သွင်းရန် နေရာများအားလုံးကို ထိုလက်ကွက် စာရိုက်စနစ်ဖြင့် အသုံးပြုရိုက်နှိပ်နိုင်သည်။ ဤ ဧရာဝဘ်ကစ်ကို အသုံးပြုထားပါက မည်သည့်နေရာ၊ မည်သည့်အချိန်၊ မည့်သည့်ကွန်ပြူတာမှ မဆို မြန်မာစာကို ကောင်းမွန်စွာ ဖတ်ရှု ရေးသားမှုများပြုလုပ်နိုင်ပါသည်။ ထို့ပြင် ဧရာအွန်လိုင်းအယ်ဒီတာကို အသုံးပြုရန် ဖွင့်ထားပေးပါက မိမိ အဓိပ္ပါယ်သိရှိလိုသော စကားလုံးကို ကလစ်နှစ်ချက်နှိပ်သည်နှင့် ပေါ့အပ်ပွင့်ထွက်သော ဝင်းဒိုးတစ်ခုဖြင့် ထိုစာလုံး၏ အဓိပ္ပါယ်ကို ဖော်ပြပေးမည်ဖြစ်သည်။ ဧရာဝဘ်ကစ်ကို ဒီမှာရယူနိုင်ပါသည်။ အသေးစိတ် သိလိုသည်များရှိပါက မြန်မာ့ပရက်စ် တွင် မေးမြန်းနိုင်ပါသည်။

WordPress ၃.၁ ဖြန့်ချိခြင်း

WordPress ၃.၁ ကို တတ်နိုင်သမျှ အပြည့်စုံဆုံးနှင့် အဆင်ပြေဆုံးဖြစ်ရန် ဘာသာပြန်ထားပါသည်။ ဤအဆင့်ထိ အောင်မြင်မှုရရှိနိုင်ရန် အချိန်များစွာပေး၍ ကြိုးစားထားခြင်းဖြစ်ပါသည်။ တစ်ရက်လျှင် အနည်းဆုံး ၁၄ နာရီမှ ၁၈ နာရီထိ ကွန်ပြူတာရှေ့တွင် တစ်နှစ်ခွဲခန့်ထိုင်ပြီး ယခုအခြေနေကို ရရှိရန်ကြိုးစားထားခြင်းဖြစ်၍ ကြိုးစားမှုကို အသိအမှတ်ပြုလိမ့်မည်ဟု မျှော်လင့်ပါသည်။ လက်ရှိ ဘာသာပြန်မူတွင် အဆင်မပြေမှုများရှိပါက WordPress တရားဝင် ဘာသာပြန်စာမျက်နှာ https://translate.wordpress.org/projects/wordpress/ နှင့် http://my-mm.ayar.co/projects/wordpress/ တို့တွင် ဝင်ရောက် ကူညီဘာသာပြန်ဆိုပေးနိုင်ပါသည်။

WordPress ၃.၀

WordPress ၃.ဝ ကို အတော်များများ ဘာသာပြန်ပြီးပါပြီ။ မကြာမှီမှာ ဤစာမျက်နှာမှာ ရယူနိုင်မှာဖြစ်ပါတယ်။ ၃.၁ အတွက်နဲ့ ၃.၂ အတွက်ကိုလည်း အခုလုပ်နေပါတယ်။ ၃.၁ ကို လည်း မကြာမှီ လွှင့်တင်ပေးနိုင်ဖို့ ကြိုးစားနေပါတယ်။ ၃.ဝ ကိုတော့ svn မှာတင်ထားပြီးဖြစ်ပါတယ်။
ဒီမှာ ရယူနိုင်ပါတယ်။