WordPress.org

မြန်မာ | Burmese

Ready to get started?Download WordPress

မင်္ဂလာပါ !

Localized version screenshot

WordPress တရားဝင် မြန်မာဘာသာ စာမျက်နှာမှ ကြိုဆိုပါတယ်။ !
ရာနှုန်းပြည့် ဘာသာပြန်ထားသည့် WordPress မြန်မာ ဘာသာပြန်မူကို ဗားရှင်း ၃.၁ ဖြင့် စတင် ဖြန့်ချိလိုက်ပြီးသည့်နောက် ဆက်လက်၍ အဆင့်မြှင့်တင်မှု ဗားရှင်းများကို အချိန်နှင့်တစ်ပြေးညီ ဖြန့်ချိပေးနေပါသည်။ ဘာသာပြန်ခြင်းထက် မြန်မာမှုပြုသည့် အဓိပ္ပါယ်မျိုး သက်ရောက်စေရန် အတတ်နိုင်ဆုံးကြိုးစားထားပါသည်။ ဘာသာပြန်ရာတွင် အမှားအယွင်း အချို့ရှိနေနိုင်သေးသော်လည်း နောက်ပိုင်း ဆက်လက်ထွက်ရှိလာမည့် ဗားရှင်းများတွင် တဖြည်းဖြည်းခြင်း ပြုပြင်သွားနိုင်ရန် ကြိုးစားပါမည်။ လက်ရှိဘာသာပြန်မူတွင် ပါဝင်သော WordPress ပင်မ အထုတ်(ပက်ကေ့) ဘာသာပြန်ဆိုမှုများ၏ ၂၀ ရာနှုန်းခန့်ကို GlotPress ဘာသာပြန်မူမှ ရယူထားခြင်းဖြစ်ပါသည်။ ကျန်ရှိသော ဘာသာပြန်ဖိုင်များမှာ လက်ရှိ WordPress မြန်မာဘာသာပြန်ဆိုသူမှ ကိုယ်တိုင်ဘာသာပြန်ဆိုထားခြင်းဖြစ်ပါသည်။ WordPress မြန်မာဘာသာပြန်မူတွင် အသုံးပြုသူများ၏ အဆင်ပြေမှုကိုသာ အဓိကထားသဖြင့် လက်ရှိတွင် မြန်မာ ယူနီကုတ် မျိုးစုံမှ အသုံးပြုရန် အဆင်အပြေဆုံးဖြစ်သော ဧရာ ယူနီကုတ်ကို အသုံးပြုထားပါသည်။ နောက်ထွက်ရှိလာမည့် ဗားရှင်းတစ်ခုခုတွင် လက်ရှိ ဧရာယူနီကုတ်ထက် ပိုမိုကောင်းမွန် အဆင်ပြေသည့် ယူနီကုတ်ထွက်ပေါ်လာပါက ထို ယူနီကုတ်ကို ပြောင်းလဲ အသုံးပြုသွားမည်ဖြစ်ပါသည်။

ရယူရန်

WordPress ၏ လုံခြုံရေးဆိုင်ရာ ဖြည့်စွက် ပြင်ဆင်ချက်များ ဗားရှင်း အဆင့်မြှင့်တင်မှုများကို ဤနေရာမှ ဖြန့်ချိပေးနေပါသည်။ မည်သူမဆို လွတ်လပ်စွာ ရယူသုံးစွဲ ပြင်ဆင်ခွင့်ရှိပါသည်။ သုံးစွဲသူများ အဆင်ပြေစေရန်နှင့် မည်သည့်နေရာ မည်သည့်စက်မှ မဆို မြန်မာဘာသာကို ကောင်းမွန်စွာ ဖတ်ရှုနိုင်စေရန် ဖောင့်မြှုပ်ထည့်သွင်းသည့် နည်းလမ်းကိုပါ အဆင်သင့် ထည့်သွင်းပေးထားပါသည်။ .zip နှင့် .tar.gz ဗားရှင်းနှစ်မျိုးရယူနိုင်ပါသည်။

ရှိုးကေ့စ်

ထည့်သွင်းခြင်း

မြန်မာ ဘာသာပြန်မူကို အသုံးပြုလိုပါက လက်ရှိ ဖြန့်ချိထားသော WordPress ဗားရှင်းကို ရယူ၍ အသုံးပြုပါက စတင်ထည့်သွင်းစဉ်ကပင် မြန်မာလို အသုံးပြု၍ ရမည်ဖြစ်ပြီး။ လက်ရှိတွင် အင်္ဂလိပ်ဘာသာဖြင်ဖြန့်ချိထားသော ဗားရှင်းကို ထည့်သွင်း အသုံးပြုနေသည်ဆိုပါက my_MM.mo ဖိုင်အား (သင့်ဘလော့ဂ်တည်နေရာ)/wp-content/languages/ တွင် ထည့်၍၊ wp-config.php ဖိုင်တွင် define(‘WPLANG’, ” ); အား define(‘WPLANG’, ‘my_MM’); ဟုပြင်ပေးခြင်းဖြင့် အသုံးပြုနိုင်ပါသည်။
မြန်မာဘာသာဖြင့် အသုံးပြုရန်အတွက် ပလပ်အင် အချို့ရေးထားပြီး ဖြစ်ပြီး ဧရာ ဝဘ် ကစ် ပလပ်အင်သည် အပြည့်စုံဆုံးရေးသားထားသော ပလပ်အင်တစ်ခုဖြစ်ပြီး မြန်မာဘာသာကို ကောင်းမွန်စွာ ရေးသား ဖတ်ရှုနိုင်ရန် အတွက် လိုအပ်သမျှကို ထည့်သွင်းပေးထားသော ပလပ်အင်တစ်ခုဖြစ်ပါသည်။

ဘလော့ဂ်

WordPress ထည့်သွင်းမှု အဆင့်ဆင့် သရုပ်ပြ

ဧပြီ 7၊ 2011

WordPress ထည့်သွင်းမှု လုပ်ငန်းစဉ်ကို ရုပ်ပုံသရုပ်ပြများဖြင့် ရှင်းလင်းဖော်ပြပေးပါမည်။ ပထမဆုံးအနေဖြင့် ဤဝဘ်ဆိုဒ်မှ WordPress မြန်မာဘာသာပြန်မူကို ရယူ၍ သင်လွှင့်တင်မည့် ဝဘ်ဆာဗာပေါ်သို့ FTP ပရိုဂရမ် တစ်ခုခုကို အသုံးပြု၍ တင်ပို့ပါ။ ထိုသို့တင်ပို့ပြီးလျှင် သင့်ဆာဗာပေါ်ရှိ WordPress မြန်မာဘာသာပြန်မူကို တင်ပို့ထားသော တည်နေရာသို့ လိပ်စာကို အင်တာနက် ဘရောက်ဇာတွင် ဖွင့်လိုက်ပါက အောက်ပါအတိုင်း တွေ့မြင်ရမည်ဖြစ်ပါသည်။ ထိုအဆင့်ကို ဆက်လက်ပြုလုပ်ပါလျှင် ဒုတိယ အဆင့်အနေဖြင့် အောက်ပါအတိုင်း တွေ့မြင်ရမည်ဖြစ်သည်။ နောက်တစ်ဆင့်ကို ဆက်သွားပါ။ ဒေတာဗေ့ ဆိုင်ရာ အချက်အလက်များ ဖြည့်သွင်းပေးရမည့် စာမျက်နှာကို တွေ့ရပါမည်။ ဒေတာဗေ့ဆိုင်ရာ အချက်အလက်များမှာ သင့်အား ဝန်ဆောင်မှုပေးထားသော ကုမ္ပဏီထံမှ ရယူထားရပါမည်။ နောက်တစ်ဆင့်သည် WordPress ဒေတာဗေ့များကို သင့် MySQL ဆာဗာသို့ […]

WordPress ၃.၈

ဒီဇင်ဘာ 22၊ 2013

၂၀၁၃ ခုနှစ်ကုန်ခါနီး ဒီဇင်ဘာလအတွင်းမှာပဲ WordPress ဘာသာပြန် ၃.၆ ၊ ၃.ရ ကို တစ်လအတွင်း ဆက်တိုက် ထုတ်ပေးဖြစ်ခဲ့ပါတယ်။ ၃.ရ ထုတ်ပေးပြီးလို့ မကြာခင်မှာပဲ ၃.ဂ ဟာ ပြောင်းလဲမှု များစွာနဲ့အတူ ထပ်မံ ထွက်ရှိလာပါတယ်။ ဒါနဲ့ ၃.ဂ ကိုလည်း ၃.ရ ထုတ်ပေးခဲ့တဲ့ ရက်သတ္တပတ်အတွင်းမှာ ပြီးစီးအောင် လုပ်ခဲ့တယ်။ ထုတ်ပေးဖို့ကိုတော့ အမှတ်တရဖြစ်အောင် ဒီလအတွင်းမှာ ကျရောက်မယ့် ခရစ္စမတ်နေ့နဲ့ နှစ်သစ်ကူးနေ့တွေအပြင် 2013 SEA GAMES ပိတ်ပွဲကိုပါ ထည့်သွင်း စဉ်းစားခဲ့ပြီး ယနေ့ကျရောက်တဲ့ 2013 SEA GAMES ပိတ်ပွဲကို ရွေးချယ်ခဲ့တယ်။ Charlie Parker ကို အစွဲပြုပြီး Parker လို့ အမည်ပေးထားတဲ့ WordPress […]

WP 3.4.2

စက်တင်ဘာ 11၊ 2012

WordPress ကို ၃.၄ ထွက်ထွက်ခြင်းမှာ ထုတ်မပေးနိုင်ခဲ့ပါဘူး။ ဘာသာပြန်တာ အပြီးမသတ်သေးတာကြောင့်ရော။ ပလပ်အင်တစ်ခု ရေးနေတာ မပြီးသေးတာကြောင့်ရော မထုတ်ပေးခဲ့တာပါ။ ခုတော့ ayar-web-kit ဗားရှင်း ၁.ဝ ဟာ ပြီးလုပြီးခင် အခြေအနေကို ရောက်လာပြီဖြစ်တာကြောင့်ရော၊ ဘာသာပြန်တာကို ဒီနေ့ပဲ ပြီးအောင် ပြန်နိုင်ခဲ့တာရော၊ ထုတ်ပေးဖြစ်ခဲ့ပါတယ်။ ဒါပေမယ့် ဒီနှစ်ချက်က ထုတ်ပေးဖြစ်တဲ့ အဓိက အချက်မဟုတ်သေးပါဘူး။ တကယ်တော့ ayar-web-kit နဲ့သာ တူတူထုတ်ဖို့ စဉ်းစားခဲ့တာပါ။ ခု ထုတ်ပေးလိုက်ဖြစ်တာကတော့ ဒီကနေ့ဟာ ခု WordPress ဘာသာပြန်တဲ့နေရာမှာသုံးထားတဲ့ ဧရာ ယူနီကုဒ်ကို ထုတ်ဝေခဲ့တာ ၃ နှစ်ပြည့်တဲ့နေ့ဖြစ်ပါတယ်လို့ ဧရာ အုပ်စုက ပြောလာတဲ့အတွက် အမှတ်တရ အနေနဲ့ WP 3.4.2 ကို ဖြန့်ချိခဲ့တာဖြစ်ပါတယ်။ ayar-web-kit […]

၃.၂

ဇူလိုင် 6၊ 2011

WordPress ၃.၂ ကို ဒီနေ့မနက်ပဲ ထုတ်ပေးလိုက်ပါတယ်။ ပြင်ဆင်စရာတွေများတာက တစ်ကြောင်း။ အမှားမပါအောင် သေချာ စစ်ဆေးချင်သေးတာ တစ်ကြောင်းကြောင့် မူရင်း အင်္ဂလိပ် ဗားရှင်းထွက်ပြီး ချင်းချင်း မထွက်ပေးနိုင်ခဲ့ပါဘူး။ တစ်ရက်နောက်ကျပြီးမှ ထွက်ပေးနိုင်ခဲ့ပါတယ်။ အခု ၃.၂ မှာ အရင် Glotpress မှာ အခြားသူတွေဘာသာပြန်ထားတာကို ယူသုံးထားတဲ့ ဘာသာပြန်တွေထဲက အမှားတော်တော်များများကိုရော ကျွန်တော် ဘာသာပြန်ပြီး သိပ်အဆင်မပြေဘူးထင်တာတွေကိုရော တတ်နိုင်သမျှ ပြန်လည် ပြင်ဆင်ပေးထားပါတယ်။ အခု အခါမှာ ၉၅% ကျော်တော့ အဆင်ပြေကောင်းမွန်တဲ့ အနေအထားတစ်ခုကို ရောက်ပြီလို့ ထင်ပါတယ်။ နောက် ၃.၃ ဒါမှမဟုတ် ၃.၄ မှာ တည်ငြိမ်တဲ့ ဗားရှင်း တစ်ခုကို ထုတ်ပေးနိုင်ဖို့ မျှော်လင့်ပါတယ်။ WordPress ဘာသာပြန်တာ တည်ငြိမ်သွားပြီဆိုတာနဲ့ […]

၃.၁.၄

ဇွန် 30၊ 2011

၃.၁.၄ ကို ဒီနေ့ဖြန့်ချိပေးလိုက်ပါတယ်။ ၃.၂ အတွက် ပြင်ဆင်ထားတဲ့ အမှားပြင်ဆင်ချက်တွေကိုပါ ပေါင်းထည့်ပေးထားပါတယ်။ ၃.၂ လဲ မကြာမှီမှာ ထွက်လာတော့မှာ ဖြစ်ပါတယ်။ အခု RC-3 ကို ရောက်ပါပြီ။ RC-3 ကို မြန်မာဘာသာနဲ့တော့ ထုတ်မပေးသေးပါဘူး နောက်ပိုင်း ဗားရှင်းတွေဆိုရင်တော့ ဘီတာနဲ့ အာစီတွေပါ ထုတ်ပေးနိုင်အောင် ကြိုးစားပါမယ်။ ၃.၂ ထွက်တဲ့အခါ bbPress ဖိုရမ်အတွက် ပါထုတ်ပေးနိုင်ဖို့ ကြိုးစားပါမယ်။ bbPress က ဖိုရမ်တစ်ခုလုပ်ဖို့အတွက် အလွန်လွယ်ကူပါတယ်။ ၃.၂ ထွက်တဲ့အခါ ဧရာ ဝဘ်ကစ်ကို ပိတ်ထားပြီးမှ update လုပ်ကြဖို့ အကြံပြုပါတယ်။ ဧရာ ဝဘ်ကစ်ကို အသစ်ပြင်နေတာ မပြီးသေးတဲ့အတွက် ၃.၂ နဲ့ အဆင်မပြေတာတစ်ချို့ရှိနေပါတယ်။ ၃.၂ ထွက်တဲ့အခါ အသုံးပြုလို့ရမရကို […]

WordPress ၃.၁.၃

မေ 26၊ 2011

WordPress ၃.၁.၃ သည် ၃.၁ ၏ နောက်ထပ် လုံခြံရေး ပြင်ဆင်ဖြည့်စွက်ချက်တစ်ခုဖြစ်ပါသည်။ အဓိက လုပ်ဆောင်ချက်များကို ပြောင်းလဲထားခြင်း မရှိပါ။ သင့် ဆိုဒ်ကို ဟက်ကာများမှ ဟက်၍ တစ်ခုခု ပြုလုပ်နေသည်ဟု သံသယ ရှိပါက အမြန်ဆုံး အဆင့်မြှင့်တင်သင့်ပါသည်။ WordPress မြန်မာဘာသာပြန်အဖွဲ့ မှ အချိန်နှင့်တစ်ပြည်းညီ နောက်ဆုံး အဆင့်မြှင့်တင်မှုများကို ရရှိနိုင်ရင် ကြိုးပမ်းဆောင်ရွက်နေပါသည်။ WordPress ၃.၂ ကို နောက်လကုန် တွင် ဖြန့်ချိနိုင်ရန်လည်း WordPress Core Team မှ အထူးကြိုးပမ်းဆောင်ရွက်နေပါသည်။ https://wordpress.org/news/2011/05/wordpress-3-1-3/ တွင် ၃.၁.၃ ထွက်ရှိမှုနှင့် ပတ်သက်သည့် မူရင်း ကြော်ငြာချက်ကို ဖတ်ရှုနိုင်ပါသည်။ ဤဗားရှင်းတွင် ပါဝင်ဆောင်ရွက်သူများ စာရင်းကို https://mya.wordpress.org/wp-admin/credits.php တွင် ကြည့်ရှုနိုင်ပါသည်။

၃.၁.၁ ဖြန့်ချိမှု

ဧပြီ 6၊ 2011

WordPress ၃.၁.၁ ကို ဆက်လက်၍ ဖြန့်ချိန်ပေးလိုက်ပါသည်။ ဗားရှင်း ၃.၁ ၏ လုံခြုံရေးဆိုင်ရာ ဖြည့်စွက်ပြင်ဆင်ချက်များကို အချိန်နှင့်တစ်ပြေးညီ ရရှိနိုင်ရန် ကြိုးစားပေးထားပါသည်။ မူရင်း WordPress ၏ ဗားရှင်း ၃.၁.၁ ဖြန့်ချိမှုကို ကြော်ငြာချိန်မှ နာရီပိုင်းအတွင်း မြန်မာဘာသာပြန်မူကိုပါ ဗားရှင်း ၃.၁.၁ ကို ပြောင်းလဲ ပြင်ဆင်ဖြည့်စွက်ပေးထားပါသည်။ ဗားရှင်း ၃.၁ တွင် ပလပ်အင်အချို့နှင့် အဆင်မပြေမှုများရှိပါက အမြန်ဆုံး ၃.၁.၁ သို့ အဆင့်မြှင့်တင်သင့်ပါသည်။ WordPress ၃.၁.၁ ဖြန့်ချိမှု သတင်းကို https://wordpress.org/news/2011/04/wordpress-3-1-1/ တွင် သွားရောက်ဖတ်ရှုနိုင်ပါသည်။

ဧရာ ဘာကြောင့်သုံးလဲ Why Ayar ?

မတ် 25၊ 2011

ဧရာ ဘာကြောင့်သုံးလဲ သိချင်ကြရင် http://atp.ayar.co/2011/03/25/why-used-ayar-in-wordpress/ မှာ ရေးထားပါတယ်။ အဲဒီမှာဖတ်ကြည့်ကြပါ။ အဲဒီမှာ ပြောထားတာတွေကို ဧရာအပါအဝင် ယူနီကုတ်သမားတွေအကုန်လုံး ဝိုင်းပြီးဖြေရှင်းနိုင်ပြီဆိုရင် ယူနီကုတ်ကို ကျွန်တော်ပြောင်းသုံးမှာဖြစ်ပါတယ်။ ကျွန်တော့်ဆီကို ပုံစံအမျိုးမျိုး၊ နည်းလမ်းအမျိုးမျိုးသုံးပြီး အီးမေးလ်တွေ မပို့ကြပါနဲ့လို့ ပြောလိုပါတယ်။ ဒီလိုအီးမေးလ်တွေ အစောင်တစ်သိန်းလောက်ပဲပို့ပို့ မြန်မာတစ်နိုင်ငံလုံးက လူဦးရေ သန်း ၆၀ ကပဲပို့ပို့ ပြောင်းမှာမဟုတ်ပါဘူး။ နှောက်ယှက်တယ်လို့ပဲ သတ်မှတ်ပါမယ်။ ကျွန်တော်က ကျွန်တော်လုပ်နိုင်တာကို လုပ်ထားတာဖြစ်လို့။ ယူနီကုတ်သမားတွေလည်း လုပ်နိုင်တာ လုပ်ကြဖို့ နဲ့ လုပ်သင့်တာကို လုပ်ကြဖို့ ဒီနေရာကနေတိုက်တွန်းပါတယ်။

ဧရာ စာလုံးပြောင်း ကွန်ဗက်တာ

မတ် 23၊ 2011

ဧရာ စာလုံးပြောင်း ကွန်ဗက်တာကို သုံး၍ လက်ရှိ လွှင့်တင်ထားပြီးဖြစ်သော WordPress အသုံးပြု ဝဘ်ဆိုဒ်များ၊ ဘလော့ဂ်များကို ယခုဖြန့်ချိထားသော့ WordPress မြန်မာဘာသာပြန်မူဖြင့် ပြောင်းလဲအသုံးပြုနိုင်ရန် ဒေတာဗေ့အားလုံးကို ပြောင်းလဲ၍ ရပါသည်။ ထိုသို့ပြောင်းလဲလိုပါလျှင် ပထမဆုံးအနေနှင့် သင့်ဘလော့ဂ် သို့မဟုတ် ဆိုဒ်ရှိ ဒေတာဗေ့အားလုံးကို သင့်ကွန်ပြူတာသို တင်ပို့ပေးရန်လိုပါသည်။ ထိုသို့ပြုလုပ်နိုင်ရန် နည်းလမ်းများကို ရှင်းပြပေးသွားပါမည်။ အဆင့် ၁ ။ ။ သင့် WordPress ဆိုဒ်၏ စီမံအုပ်ချုပ်မှုဆိုင်ရာ ထိန်းချုပ်ခလုပ်ခုံကိုဖွင့်ပါ။ အင်္ဂလိပ် ဗားရှင်းကို လက်ရှိအသုံးပြုထားလျှင် – tools -> export (မြန်မာဘာသာဖြင့် – ကိရိယာများ -> တင်ပို့ရန်) ကို သွားပါ သင့်တွင် WordPress export/import လုပ်သည့် […]

ဧရာ ဝဘ် ကစ် အကြောင်း

မတ် 23၊ 2011

ဧရာ ဝဘ် ကစ်သည် ယခု ဖြန့်ချိထားသော WordPress မြန်မာဘာသာပြန်မူ ဖြင့် တွဲဖက် သုံးရန် အကောင်းဆုံး ပလပ်အင်တစ်ခုဖြစ်သည်။ ဧရာ ဝဘ်ကစ်တွင် ဖောင့်မြှုပ်ထည့်သွင်းခြင်းကို အပြည့်အဝထောက်ပံ့ ထည့်သွင်းပေးထားသည်။ စီမံအုပ်ချုပ်မှုဆိုင်ရာ ထိန်းချုပ်ခလုပ်ခုံရှိ စာလုံးများကို ဧရာဖောင့်ဖြင့် ကောင်းမွန်လှပစွာ ဖော်ပြပေးနိုင်ရန် ပြုလုပ်ပေးထားသည်။ ထိန်းချုပ်ခလုပ်ခုံ၏ အရောင်တွဲစပ်မှုကိုလည်း မူလ WordPress တွင်ပါရှိသော မီးခိုးရောင်နှင့် အပြာရောင်အပြင် အစိမ်းရောင်သို့ပါ ပြောင်းလဲ အသုံးပြုနိုင်ရန် ပြုလုပ်ပေးထားသည်။ ထိန်းချုပ်ခလုပ်ခုံတွင် ဖော်ပြထားသည့် WordPress တံဆိပ်နေရာတွင် စိတ်ကြိုက် တံဆိပ်တစ်ခုပြောင်းလဲထည့်သွင်းပေးနိုင်သည်။ လွှင့်တင်ထားသော ဆိုဒ် ရှေ့စာမျက်နှာများတွင် မှတ်ချက်ပေးသည့်နေရာတွင် TinyMCE Editor ကို အသုံးပြုနိုင်ရန် ပြုလုပ်ပေးထားသည်။ ထို အယ်ဒီတာတွင် မိမိကွန်ပြူတာ၌ စာရိုက်စနစ်များ၊ ဖောင့်စာလုံးများထည့်သွင်းထားရန်မလိုပဲ […]